Blog

download-47

ინტერვიუ ნეოტექის დირექტორთან

ბოლო წლების განმავლობაში სათვალთვალო სისტემები დღითიდღე უფრო პოპულარული ხდება. კამერები თითქმის ყველა მნიშვნელოვან დაწესებულებაშია განთავსებული. დაწყებული სამინისტროებითა და აეროპორტებით, დასრულებული ბანკებითა და მაღაზიებით. პროდუქციის მრავალფეროვნებიდან და სიმარტივიდან გამომდინარე, მათი დამონტაჟება ხშირად დამოუკიდებლადაც შესაძლებელია. თუმცა საინტერესოა, თუ რა წესები უნდა დაიცვან იმ პირებმა, რომლებსაც სათვალთვალო სისტემით სარგებლობა სურთ და ვინ ხდება ყველაზე ხშირად თვალთვალის ობიექტი. „კიბერ კვირას“ დღევანდელი სტუმარი უსაფრთხოების სისტემების სფეროში მოღვაწე ერთ-ერთ ყველაზე წარმატებული კომპანიის “ნეოტექის” დირექტორი იგორ ფარჯიანია. -ბ-ნო იგორ, რამდენად ხშირად მოგმართავენ სათვალთვალო კამერების შეძენის სურვილით არა ორგანიზაციის წარმომადგენლები, არამედ რიგითი მოქალაქეები? -სათვალთვალო კამერებზე და ზოგადად ამ სახის პროდუქციაზე ფასების შემცირებამ აღნიშნული აპარატურა საკმაოდ ხელმისაწვდომი გახადა. თუ ადრე მხოლოდ ერთეულები ყიდულობდნენ, დღეს დაბალი შემოსავლის მქონე ადამიანსაც კი შეუძლია მათი შეძენა და რაც მთავარია, მისი საკუთარი ძალებით დამონტაჟება, რაც კომპიუტერულ ტექნოლოგიებში მეტნაკლებად გაცნობიერებული ადამიანისთვის რთული პროცესი არ არის. გარდა ამისა, ჩვენთანაც და ჩვენს დილერებთანაც, ნებისმიერ მსურველს შეუძლია მიიღოს ტექნიკური კონსულტაცია, რა თქმა უნდა, სრულიად უფასოდ. download (4)-თქვენი პრაქტიკიდან გამომდინარე, რიგითი მომხმარებლები, ყველაზე ხშირად, რა მიზნით ყიდულობენ კამერებს და სად ამონტაჟებენ მათ?   თანამედროვე ტექნოლოგიები საშუალებას აძლევს ადამიანს, რომ დისტანციურად  აკონტროლოს საკუთარი ქონება თუ ბიზნესი. იზრუნოს ოჯახზე, ახლობლებზე და მათთან იყოს მუდმივად, მსოფლიოს ნებისმიერი წერტილიდან. ასე ადამიანი მეტ დროს დაუთმობს ოჯახს და საკუთარ თავს, ნაკლებ დროს დახარჯავს გზაში და საცობებში. ვიდეოსამეთვალყურეო სისტემა დღეს გვაძლევს რამოდენიმე უპირატესობას: უსაფრთხოება, მობილურობა, ზრუნვა და კონტროლი. დამტკიცებულია, რომ  რამდენჯერმე იზრდება თანამშრომელთა ეფექტურობა როდესაც იციან, რომ მათ ყურადღებას აქცევენ. აქედან გამომდინარე, ვიდეომეთვალყურეობის სისტემაზე გაწეული დანახარჯი უკან უბრუნდებათ შრომის ეფექტურობის ამაღლებიდან გამომდინარე. – ყველაზე გავრცელებული დღეს რა ტიპის კამერებია? სტანდარტული სათვალთვალო კამერა, გამოსახულების გარდა, ხმასაც იწერს? -დღესდღეობით, ყველაზე პოპულარული HD TVI სისტემის კამერებია – ვიზუალიზაციის მაღალი ხარისხის, საკმაოდ დაბალი ფასის და მონტაჟის სიმარტივის გამო. ეს არის ტექნოლოგია, რომელიც HD ხარისხით გადმოგვცემს ანალოგურ სიგნალს,  თუ ადამიანი მინიმალური დონის ცოდნას ფლობს ტექნიკასთან მიმართებაში და შეუძლია სახრახნისის გამოყენება, ის უპრობლემოდ დაამონტაჟებს კამერას. არის კამერები, რომლებიც იწერს როგორც გამოსახულებას, ისე ხმას. ერთ კორპუსში მოთავსებულია ლინზაც და მიკროფონიც. გარდა ამისა, ამავე კამერებში ჩაშენებულია დინამიკიც, რაც საშუალებას გვაძლევს არა მხოლოდ დავინახოთ და მოვისმინოთ, არამედ დაველაპარაკოთ კიდეც კადრში მყოფ ადამიანს, ან ადამიანთა ჯგუფს, რაც დამერწმუნეთ საკმაოდ მოსახერხებელია. სისტემა შესაძლოა, მხოლოდ მოძრაობაზეც დაპროგრამირდეს. ანუ კამერა ჩართულია, მაგრამ ჩაწერას იწყებს მხოლოდ მაშინ, როდესაც მისი თვალთახედვის არეში მოძრაობა ხდება. იმისთვის, რომ კამერამ დაფიქსირებული მოძრაობა ჩაწეროს, საჭიროა ჩამწერი, თუმცა, არსებობს კამერები, რომლებშიც მხოლოდ მეხსიერების ბარათის ჩადგმაა შესაძლებელი. ასეთ შემთხვევაში, ჩანაწერი ბარათზე შეინახება. ეს ვარიანტი კიდევ უფრო აიაფებს სისტემას, მაგრამ ამ შემთხვევაში ჩანაწერის ხანგრძლივობა ბევრად ნაკლები გამოდის. -თქვენი კომპანია უსაფრთხოების სისტემების ბაზარზე, ერთ-ერთი ლიდერი კომპანიაა, რომელ წარმატებულ პროექტებს გამოარჩევდით? -პირველ რიგში გამოვარჩევდი “ნეოტექის” პირველ მსხვილ პროექტს, რომელიც თბილისის, გორისა და რუსთავის ვიდეომეთვალყურეობის სისტემის მოწყობას და ერთიან მონიტორინგის სისტემაში მოქცევას შეეხებოდა. პროექტის ფარგლებში დაყენდა 500-მეტი ვიდეოკამერა. გამოყენებული იყო ისეთი კომპანიების აპარატურა, როგორებიცაა  JVC Professional, BOSCH Security systems, IKEGAMI-ს და ა.შ.  აგრეთვე, აღვნიშნავდი შემოსავლების სამსახურის პროექტს, რომელიც გულისხმობდა საბაჟო გამშვები პუნქტების ვიდეოსამეთვალყურეო სისტემებით აღჭურვას, ერთიან ქსელში ჩართვას და მონიტორინგის ცენტრის მოწყობას, რომლის ანალოგიც მრავალი წლის მერეც არ განხორციელებულა საქართველოში. პროექტის ფარგლებში გამოყენებულ იქნა მსოფლიო ლიდერი კომპანია ვიდეოსამეთვალყურეო სისტემების წარმოების სფეროში Hikvision-ის და JVC Professional-ის წარმოების აპარატურა. ასევე, არ შემიძლია არ აღვნიშნო თბილისისა და ბათუმის საერთაშორისო აეროპორტების ვიდეოსამეთვალყურეო სისტემების მონტაჟი, სადაც დაინერგა მთელი რიგი ინოვაციური სიახლეები. გამოყენებულ იქნა კომპანია Hikvision-ის, კომპანია FLIR-ის თერმული ხედვის და კომპანია DALLMEIER-ის პანორამული ხედვის ვიდეოკამერები. -გქონიათ შემთხვევა, როდესაც სათვალთვალო სისტემებზე ჰაკერებს კიბერთავდასხმა განეხორციელებინოთ, ან მცდელობა მაინც ჰქონოდეთ? -მიუხედავად იმისა, რომ საქართველოს მასშტაბით ბევრი პროექტი გვაქვს განხორციელებული, მსგავსი შემთხვევა არ დაფიქსირებულა. შესაძლოა მცდელობები ყოფილიყო, თუმცა ჰაკერებისთვის სამწუხაროდ, უშედეგოდ დასრულებულა, ვინაიდან სისტემა დაცულია პაროლების რამდენიმე საფეხურიანი კომბინაციით. პაროლს კი მომხმარებელი  რეგისტრაციის დროს თვითონ უთითებს. ეს,  რა თქმა უნდა, ჩვენი პარტნიორი და მსოფლიოში ნომერ პირველი კომპანიის Hikvision-ის დამსახურებაა. – რა ღირს საშუალოდ სათვალთვალო კამერა და რის მიხედვით განსხვავდება მისი ფასი? კამერის ფასი 49 ლარიდან იწყება. ამ ტიპის დაბალბიუჯეტიანი კამერაც საკმაოდ კარგ გამოსახულებას იძლევა. აქვს ინფრაწითელი განათება, რაც საშუალებას მისცემს მომხმარებელს მიიღოს მისთვის საჭირო ინფორმაცია სრულ სიბნელეშიც კი. კამერების ფასები განსხვავდება გამოყენების სფეროების, ფუნქციონალის და შესაძლებლობიდან გამომდინარე. tumblr_lvsvoaJXar1r3zjp5-შეგიძლიათ დამისახელოთ რამდენიმე ისეთი ლოკაცია, სადაც თქვენი კამერებია დამონტაჟებული? უფრო მარტივი იქნება დაგისახელოთ ის ლოკაციები, სადაც ჩვენი კამერები არ არის დამონტაჟებული. ჩვენი კლიენტები არიან თითქმის ყველა კომერციული ბანკი, სახელმწიფო ორგანიზაციები, სამინისტროები, საბაჟო საწყობები, აეროპორტები, მსხვილი, საშუალო და მცირე ბიზნესის წარმომადგენლები. -როდესაც ესა თუ ის პირი თქვენთან კამერას ყიდულობს, სჭირდება თუ არა მას რაიმე ნებართვა? კამერის, ან მთლიანად  სისტემის შეძენისას, ამ ეტაპზე არანაირი ნებართვა არ არის საჭირო. უბრალოდ, განსაზღვრულია საქმიანობის სფეროები. მაგალითად, აფთიაქი, სათამაშო ბიზნესი, ვალუტის გადამცვლელი პუნქტები, ბენზინგასამართი სადგურები და საბაჟო საწყობები. საქართველოს შინაგან საქმეთა მინისტრის 2007 წლის 29 აგვისტოს N1143 ბრძანებით, საქმიანობის განხორციელებისთვის საჭირო ნებართვის მისაღებად, ისინი ვალდებული არიან იქონიონ ვიდეოსამეთვალყურეო სისტემა, ამავე ბრძანებით არის განსაზღვრული როგორც კამერის განთავსების, ისე კამერისა და ჩამწერის  მიმართ არსებული მინიმალური მოთხოვნები. – უკვე დამონტაჟებული კამერის კონტროლი თუ ევალება ვინმეს? მაგალითად, რამდენად მიზნობრივად და კანონის დაცვით განთავსდა ის? როგორც ზემოთ აღვნიშნეთ, თუ თქვენი საქმიანობის სფერო ემთხვევა N1143 ბრძანების მოთხოვნებს, მაშინ კამერების დამონტაჟების ადგილს ამოწმებს შს სამინისტროს უფლებამოსილი პირი. სხვა შემთხვევაში, პირს შეუძლია კამერა დააყენოს იქ, სადაც მოესურვება. თავისთავად ცხადია,  საუბარია პირად მფობელობაში არსებულ ფართზე, ან ტერიტორიაზე. დაუშვებელია, კამერა იყურებოდეს მეზობლის ეზოში, ან ფანჯრებში, (მათი ნებართვის გარეშე) ბანკომატით სარგებლობისას კადრში არ უნდა ჩანდეს PIN კოდის კომბინაცია და ა.შ. თუ კამერის მონტაჟისას შეუძლებელია ისე დაყენება, რომ კამერის ხედვის არე არ გასცდეს ჩვენ საკუთრებაში არსებულ ფართს, უნდა გამოვიყენოთ ე.წ. პრივატული მასკირების ზონები. ანუ დავფაროთ ის ადგილები, რომლებიც „იძულებით“ მოხვდნენ კადრში. -გთხოვენ თუ არა მოქალაქეები კამერების შეუმჩნეველ ადგილზე დამონტაჟებას? თუ შეგიძლიათ, რომ რამდენიმე ასეთი შემთხვევა გაიხსენოთ, რა არის ხოლმე თქვენი პასუხი? რა თქმა უნდა, რამდენჯერმე იყო მსგავსი ტიპის მოთხოვნა. თვალყურის ობიექტი ძირითადად არიან ისეთი პროფესიის ადამიანები, როგორიცაა – ბავშვის ძიძა, დამლაგებელი, მოლარე და ა.შ. ამ დროს, მომხმარებელს ვუხსნით, რომ დანაშაულის პრევენცია უფრო მნიშვნელოვანია, ვიდრე პოსტ–ფაქტუმ რეაგირება და ვურჩევთ, რომ კამერები დააყენოს დაუფარავად, რაზედაც თვალყურის ობიექტი ინფორმირებული იქნება. იყო შემთხვევაც, როდესაც ეჭვიანი მეუღლე გვთხოვდა ფარული კამერის საძინებელში დაყენებას, ყველა ასეთ შემთხვევაზე, რა თქმა უნდა, უარი განვუცხადეთ და უმეტეს შემთხვევაში დავითანხმეთ სტანდარტულ ვიდეოსისტემაზე. -რომელ კამერებზეა უფრო დიდი მოთხოვნა – სტანდარტული ზომის კამერებზე, რომლებიც მარტივად შეიმჩნევა, თუ მცირე ზომის კამერებზე, რომელიც შესაძლოა შეუმჩნეველი დარჩეს? ძირითადად, მოთხოვნაა სტანდარტული ზომის კამერებზე. თუმცა, ამ სტანდარტულ კამერებს საკმაოდ მცირე ზომები და დახვეწილი დიზაინი გააჩნია, ეს კამერები არანაირად არ დაამახინჯებენ იმ ინტერიერს, სადაც ისინი უნდა განთავსდნენ.  მომხმარებლის  მხრიდან ძირითადი მოთხოვნა კამერის ფუნქციონალია და არა ზომები. -იქ, სადაც კამერებია დამონტაჟებული, სავალდებულოა თუ არა, იყოს ამის აღმნიშვნელი ნიშანი? downloadკერძო და სახელმწოფო დაწესებულებებში, რა თქმა უნდა, სავალდებულოა. როდესაც შევდივართ სავაჭრო ცენტრში, ბანკში ან თუნდაც სასურსათო მაღაზიაში, სადაც დამონტაჟებულია კამერები, ჩვენ უნდა ვიცოდეთ, რომ გვიღებენ. მაგალითად, იგივე სავალუტო ჯიხურებისათვის ეს პუნქტი რეგულირდება საქართველოს ეროვნული ბანკის პრეზიდენტის №27/04  ბრძანებით – „2012 წლის 1 მაისიდან ვალუტის გადამცვლელმა პუნქტებმა, რომელთაც ამ ბრძანების შესაბამისად აქვთ ვიდეომეთვალყურეობის სისტემის დამონტაჟების ვალდებულება, ვიდეომეთვალყურეობის სისტემის დამონტაჟებასთან ერთად უნდა უზრუნველყონ თვალსაჩინო ადგილას შესაბამისი გამაფრთხილებელი ნიშნის განთავსება.“ -კომპანია “ნეოტექი” მომხმარებელს სთავაზობს სერვისს, რომლის მეშვეობითაცმომხმარებელს შეუძლია შეიძინოს კამერა, მიუერთოს ინტერნეტს, შემდეგ დარეგისტრირდეს HIKVISION –ის ქლაუდ სერვერზე და მუდმივი წვდომა ჰქონდეს კამერაზე. ვის შეუძლია ამ სერვისით სარგებლობა, არის თუ არა საჭირო რაიმე ნებართვა? რამდენად ხშირად მოიხმარენ ამ კონკრეტულ სერვისს მოქალაქეები და სად აყენებენ ამ კამერებს? დიახ, Hikvision-ის ნებისმიერი IP კამერა შეგვიძლია მივუერთოთ ინტერნეტს და ვებ პორტალი www.ezvizlife.com-ის საშუალებით დავარეგისტრიროთ ე.წ. ქლაუდზე და მივიღოთ მუდმივი წვდომა კამერაზე.  ამ სერვისით სარგებლობა ნებისმიერ ადამიანს შეუძლია. ყველაზე მთავარი კი ის არის, რომ კამერის ჩართვა არ მოითხოვს სპეციალურ ცოდნას ამ სფეროში. საკმარისია კამერა ჩართოთ ინტერნეტქსელში და გაუშვათ აპლიკაცია ტელეფონში. ქლაუდის სერვერზე რეგისტრაცია ელექტრონული ფოსტის რეგისტრაციაზე მარტივია. სრულიად უფასოა და არ საჭიროებს არანაირ ნებართვას. სურვილის შემთხვევაში, ჩვენი ინჟინრები რამდენიმე წუთში გააკეთებენ ამას. ეს არის ახალი სერვისი, რომელიც დღითიდღე უფრო პოპულარული ხდება. კამერა შეგიძლიათ დააყენოთ ნებისმიერ ადგილას, სადაც ინტერნეტია. მისი გამოყენების შესაძლებლობა ფაქტობრივად, განუსაზღვრელია. შეგიძლიათ განათავსოთ სახლში და დააკვირდეთ, თუ როგორ თამაშობს თქვენი პატარა, როგორ იქცევა საყვარელი შინაური ცხოველი, ან შეამოწმოთ ონკანი ხომ არ დაგრჩათ მოშვებული. ასევე, დააყენოთ  აგარაკზე, ავტოფარეხში და ა.შ.     წყარო: http://cyber.kvira.ge/18123/

About babutsa

Customer

Leave a Comment

Your email address will not be published. Required fields are marked *