Blog

IP კამერები DeepinView

Hikvision-მა წარადგინა DeepinView IP კამერების ახალი სერია

Hikvision-მა, მსოფლიო ლიდერმა ვიდეო სამეთვალყურეო სისტემების წარმოებაში, წარადგინა ახალი პროდუქტის ხაზი, მსოფლიოში პირველი Deep Learning NVR და შესაბამისი IP კამერები. IP კამერების ახალი სერია “DeepinView” გვთავაზობს ტრადიციული სამეთვალყურეო სისტემებთან შედარებით მეტად ეფექტიან სისტემას. უკვე კარგად ცნობილი Deep Learning მეთოდის გამოყენებით, რომელიც მანქანური სწავლების (Machine Learning) ერთ-ერთი მიმართულებაა, უსაფრთხოების სისტემის შემადგენელ სხვადასხვა აპლიკაციას ემატება დამატებითი ღირებულებები / ფუნქციები, რაც მეტად ამარტივებს ვიდეო მასალის ანალიტიკურ დამუშავებას.


IP კამერები DeepinView

Hikvision-ის Deep Learning ალგორითმები გვთავაზობს გაცილებით ზუსტ ვიდეო კონტენტის ანალიტიკას (VCA). ამისთვის ახალი IP კამერები იყენებენ ე.წ. GPU (“ვიდეო კარტით”) პროცესირებას, რის შედეგადაც გაცილებით სწრაფად არის შესაძლებელი მასიური მონაცემების პროცესირება / დამუშავება.


ადამიანის სხეულის შემჩნევა – Human Body Detection

Hikvision-ის Deep Learning ტექნოლოგიის საშუალებით DeepinView სერიის კამერები ამჩნევენ ადამიანის სხეულს და ფილტრავენ სხვა არამნიშვნელოვან ობიექტებს და მოძრაობებს. შედეგად ვიღებთ გაცილებით ეფექტიან პერიმეტრის დაცვას, ცრუ განგაშის გარეშე და ვამცირებთ დროით დანახარჯს ასეთი სიტუაციების გამოძიებისას.


სახის ამოცნობა – Facial Recognition

სახის ამომცნობი ტექნოლოგია შესაძლებელია დაინერგოს უსაფრთხოების მენეჯმენტის სხვადასხვა აპლიკაციაში. DeepinView კამერები ავტომატურად აფიქსირებენ კონკრეტული პიროვნების ტერიტორიაზე შესვლას და აგზავნიან განგაშის სიგნალს ოპერატორთან. მსგავსი ფუნქცია ეფექტიანია ცნობილი დამნაშავის არ დაშვებისთვის ლოკაციებში, როგორიცაა კაზინო, სპორტული სტადიონები, საკონცერტო ტერიტორია ან თუნდაც რესტორნები.


ადამიანების თვლა – People Counting

დიდი სავაჭრო ობიექტებისთვის, სპორტული სტადიონებისთვის, ატრაქციონების პარკებისთვის და პარკირების ტერიტორიისთვის, ვიზიტორების ინფორმაციის შეგროვება და ანალიტიკა აუცილებელი კომპონენტია საიტის მენეჯმენტისთვის, რათა გადაწყვეტილებები მიიღონ მონაცემებზე დაყრდნობით და შესაბამისად გაზარდონ ბიზნესის მომგებიანობა.

Hikvision-ის DeepinView კამერებით შესაძლებელია დაითვალოთ რამდენი ადამიანი შედის და გამოდის კონკრეტულ ტერიტორიაზე.


სატრანსპორტო საშუალებების მენეჯმენტი – Vehicle Management

ტრანსპორტის მონიტორინგი და სანომრე ნიშნის ავტომატური ამოცნობა (ANPR) შესაძლებელია დაინერგოს ტრანსპორტის მენეჯმენტის გასაუმჯობესებლად. Hikvision-ის DeepinView IP კამერებს შეუძლია მიწოდებული სანომრე ნიშნების ამოცნობა და შესაბამისი ავტომობილის დაშვება კონკრეტულ ტერიტორიაზე. სატრანსპორტო ანალიტიკის საშუალებით კი სამეთვალყურეო სისტემა ავტომატურად დააფიქსირებს სხვადასხვა მოძრაობის დარღვევას.

მოცემული ანალიტიკური ფუნქციები უკვე შესაძლებელია საიმედოდ დაინერგოს ახალ სამეთვალყურეო სისტემებში და შესაბამის აპლიკაციებში. მასიური მონაცემების ანალიზი ბიზნესის ეფექტიანობას ზრდის და ამცირებს ადამიანური რესსურსის საჭიროებას.

Hikvision-მა Deep Learning ტექნოლოგიით აღჭურვა პროდუქტების ახალი ოჯახი მათ შორის DeepinView IP კამერები, DeepinMind NVR ჩამწერები და DeepinMind ვიდეო ანალიტიკის სერვერი. მოცემული პროდუქტების გაშვების თარიღი გამოცხადდება Hikvision-ის ოფიციალურ ვებსაიტზე.