1. მოქმედების სფერო
1.1. წინამდებარე ნასყიდობისა და დამატებითი მომსახურების ხელშეკრულების სტანდარტული პირობები (შემდგომში - „სტანდარტული პირობები“) შედგენილია საქართველოს სამოქალაქო კოდექსის და მოქმედი კანონმდებლობის შესაბამისად და არეგულირებს გამყიდველსა და მყიდველს შორის არსებულ ურთიერთობებს.
1.2. გამყიდველის მიერ მყიდველისთვის შეთავაზებული ნებისმიერი სახის პროდუქტის ნასყიდობა ხორციელდება სტანდარტული პირობების საფუძველზე, იმ დამატებების ან გამონაკლისების გათვალისწინებით, რაც განსაზღვრულია კონკრეტული ნასყიდობის საგნის მისაღებად. ნასყიდობის გარდა მხარეები ასევე შესაძლოა შეთანხმდნენ გამყიდველის მიერ მყიდველისათვის დამატებითი მომსახურების გაწევაზე.
2. ტერმინთა განმარტებები
2.1. ტერმინები, რომლებიც არ არის განმარტებული სტანდარტული პირობებითა და ნასყიდობის ძირითადი ხელშეკრულებით, განიმარტება საქართველოს კანონმდებლობის შესაბამისად, ხოლო სტანდარტული პირობების და ნასყიდობის ძირითადი ხელშეკრულების (თუ სხვაგვარად არ იქნება განმარტებული კონკრეტულ ხელშეკრულებაში) მიზნებისათვის ქვემოთ მოცემულ ტერმინებს, გააჩნიათ შემდეგი მნიშვნელობა:
2.1.1. გამყიდველი - შპს „ნეოტექი“, საიდენტიფიკაციო ნომერი: 206201698;
2.1.2. მყიდველი - ფიზიკური ან იურიდიული პირი, რომელიც გამყიდველისგან შეიძენს შესაბამის პროდუქციას და რომელსაც გამყიდველთან გაფორმებული აქვს ნასყიდობის ძირითადი ხელშეკრულება;
2.1.3. მხარე – გამყიდველი ან მყიდველი, კონტექსტიდან გამომდინარე;
2.1.4. მხარეები – გამყიდველი და მყიდველი ერთად;
2.1.5. ნასყიდობის საგანი – გამყიდველის საკუთრებაში არსებული მოძრავი ქონება, რომლის კონკრეტული მონაცემები, მახასიათებლები და რაოდენობა განსაზღვრული იქნება ნასყიდობის ძირითადი ხელშეკრულებით;
2.1.6. ნასყიდობის საფასური – ნასყიდობის საგნის სანაცვლოდ მყიდველის მიერ გამყიდველისათვის გადასახდელი თანხის ოდენობა, რომელიც განსაზღვრული არის ნასყიდობის ძირითადი ხელშეკრულებით;
2.1.7. ნასყიდობის ძირითადი ხელშეკრულება ან/და ინვოისი – გამყიდველის მიერ მყიდველზე გაგზავნილი ინვოისი, რომლის მიხედვით მყიდველმა ჩაურიცხა გამყიდველს ამ ინვოისში მითითებული თანხა ამ ინვოისის ანგარიშსწორების პირობების მიხედვით.
2.1.8. დამატებითი მომსახურება - ინვოისში მითითებული დამატებითი მომსახურება, რომლის ფარგლებშიც გამყიდველი მყიდველს გაუწევს კონკრეტულ მომსახურებას ნასყიდობის საგანთან დაკავშირებით.
2.1.9. საწყობი - მყიდველის საწყობი მდებარე შემდეგ მისამართზე: ქ. თბილისი, ნოდარ ბოხუას ქ. N6;
3. ხელშეკრულების გაფორმების წესი. სტანდარტული პირობების მოქმედების სფერო
3.1. შესაბამისი საქონლის ნასყიდობის და დამატებითი მომსახურების (ასეთის არსებობის შემთხვევაში) მიღების მიზნით, გამყიდველის მიერ გაგზავნილი ინვოისის მიხედვით მყიდველის მიერ თანხის ჩარიცხვა ამ ინვოისის მოქმედების ვადის განმავლობაში და ამ ინვოისით განსაზღვრული ანგარიშსწორების პირობებით განსაზღვრული ოდენობით წარმოადგენს მყიდველის თანხმობას (ნების გამოვლენას) ნასყიდობის ძირითადი ხელშეკრულების დადებაზე გამყიდველთან.
3.2. მყიდველის მიერ გამყიდველისთვის ინვოისის საფუძველზე თანხის ჩარიცხვა, რომელიც არ განხორციელდა ინვოისით განსაზღვრულ ვადაში ან/და ჩარიცხული თანხა განსხვავებულია ინვოისით განსაზღვრული ანგარიშსწორების პირობებით დადგენილი თანხისგან, არ წარმოშობს გამყიდველისათვის ინვოისითა და წინამდებარე სტანდარტული პირობებით გათვალისწინებულ ვალდებულებებს.
3.3. სტანდარტული პირობები ვრცელდება ყველა სახის ნასყიდობაზე, რომელსაც გამყიდველი სთავაზობს მყიდველს. ნასყიდობის და დამატებითი მომსახურების არსებითი პირობები განსაზღვრულია ინვოისით.
3.4. იმ შემთხვევაში, თუ სტანდარტული პირობების რომელიმე პირობა არის ნასყიდობის ძირითადი ხელშეკრულების (ინვოისი) პირობებისგან განსხვავებული, უპირატესობა ენიჭება და მოქმედებს ძირითადი ხელშეკრულების (ინვოისში მითითებული) პირობა.
4. განცხადებები და გარანტიები
4.1. მყიდველი აცხადებს და იძლევა გარანტიას, რომ:
4.1.1. მის მიერ გამყიდველისათვის მიწოდებული მონაცემები, მათ შორის საკონტაქტო მონაცემები, ნამდვილი და სწორია;
4.1.2. მისი ქმედება არ არის/არ იქნება მიმართული გამყიდველის მოტყუებისაკენ ან სტანდარტული პირობებით/ხელშეკრულებით მინიჭებული უფლებების ბოროტად გამოყენებისაკენ;
4.1.3. კეთილსინდისიერად, სრულად და ჯეროვნად შეასრულებს სტანდარტული პირობებით/ხელშეკრულებით ნაკისრ ვალდებულებებს;
4.1.4. აქვს შესაძლებლობა შეასრულოს სტანდარტული პირობებიდან/ნასყიდობის ძირითადი ხელშეკრულებიდან გამომდინარე ფინანსური ვალდებულებები და სტანდარტული პირობების/ნასყიდობის ძირითადი ხელშეკრულების გაფორმების მომენტში მის წინააღმდეგ არ მიმდინარეობს სამოქალაქო, სისხლისსამართლებრივი ან ადმინისტრაციული წარმოება, ან არ არსებობს სხვა ისეთი გარემოება, რომელიც საფრთხეს შეუქმნის ან დააბრკოლებს მის მიერ სტანდარტული პირობებით/ნასყიდობის ძირითადი ხელშეკრულებით ნაკისრი ვალდებულებების ჯეროვან შესრულებას.
4.2. მყიდველი ვალდებულია დაუყოვნებლივ აცნობოს გამყიდველს ყველა იმ გარემოებ(ებ)ის შესახებ, რომელიც შეიძლება წინააღმდეგობაში მოვიდეს მის განცხადებებთან და გარანტიებთან ან/და გამოიწვიოს მათი დარღვევა. ასევე, ნებისმიერი ისეთი გარემოების დაწყების ან დადგომის შესახებ, რითაც საფრთხე შეექმნება მის მიერ სტანდარტული პირობებით/ხელშეკრულებით ნაკისრი ვალდებულებების კეთილსინდისიერ, სრულ და ჯეროვან შესრულებას.
4.3. დამატებითი მომსახურების არსებობის შემთხვევაში, მყიდველი ვალდებულია დროულად დაუშვას გამყიდველი შესაბამის ობიექტზე მომსახურების გასაწევად, არ შეაფერხოს მისი საქმიანობა და შეუქმნას შესაბამისის პირობები მომსახურების გასაწევად.
4.4. მყიდველი აცნობიერებს, რომ მისი განცხადებები და გარანტიები წარმოადგენს სტანდარტული პირობების/ნასყიდობის ძირითადი ხელშეკრულების გაფორმების/სახელშეკრულებო ურთიერთობის დაწყების/არსებობის საფუძველს და იმ შემთხვევაში, თუ მყიდველის მიერ დაირღვევა ამ მუხლით გათვალისწინებული განცხადებები ან გარანტიები, ასეთი დარღვევისაგან წარმოშობილ ზიანზე მყიდველი შეუზღუდავად და სრულად იქნება პასუხისმგებელი და გამყიდველს უფლება ექნება შეწყვიტოს სახელშეკრულებო ურთიერთობა.
5. ანგარიშსწორება
5.1. ნასყიდობის საფასური წარმოადგენს ინვოისში მითითებულ თანხას, რომელიც მოიცავს დღგ-ს. ამასთან, ინვოისში მითითებული თანხა შესაძლებელია ასევე მოიცავდეს დამატებითი მომსახურების ღირებულებასაც, რომლის შესახებაც დამატებით აღინიშნება ინვოისში..
5.2. ნასყიდობის საფასური გადაიხდება უნაღდო ანგარიშსწორების გზით, ნასყიდობის ძირითად ხელშეკრულებაში მითითებულ გამყიდველის საბანკო ანგარიშის ნომერზე თანხის გადარიცხვის გზით.
5.3. ანგარიშსწორება ხორციელდება ინვოისის მოქმედების ვადაში, რომელიც მითითებულია ინვოისში.
5.4. ნასყიდობის საფასურის დადგენილ ვადაში გადაუხდელობის, ან არასრულად გადახდის შემთხვევაში გამყიდველი უფლებამოსილია არ მიაწოდოს მყიდველს ნასყიდობის საგანი და არ გაუწიოს დამატებითი მომსახურება ღირებულების სრულად დაფარვამდე.
5.5. ნასყიდობის ძირითადი ხელშეკრულების შეწყვეტა გავლენას არ ახდენს ხელშეკრულების მოქმედების პერიოდში მხარეთა შორის წარმოშობილ ფინანსურ ვალდებულებებზე.
6. ნასყიდობის საგნის მიწოდება
6.1. მხარეთა შეთანხმებით, ნასყიდობის ძირითადი ხელშეკრულებით შესაძლოა განისაზღვროს მყიდველის უფლებამოსილება თავად გაიტანოს ნასყიდობის საგანი გამყიდველის საწყობიდან ან ისარგებლოს მიტანის სერვისით.
6.2. ნასყიდობის საგნის საწყობიდან გატანის შემთხვევაში მყიდველი ვალდებულია თან იქონიოს ინვოისი, გადახდის ქვითარი და პირადობის მოწმობა. შეკვეთის გატანის დრო წინასწარ უნდა შეათანხმოთ მომხმარებელთა მომსახურების ცენტრის ოპერატორთან, ტე: 032 251 88 81; ელ. ფოსტა: info@neorech.ge;
6.3. მიტანის სერვისით სარგებლობის შემთხვევაში, ნასყიდობის საგნის მიტანის ვადა და საფასური განსაზღვრული იქნება ნასყიდობის ძირითადი ხელშეკრულებით. თუ ნასყიდობის საგნის მიტანის დროს მყიდველი არ იქნება მის მიერ მითითებულ მისამართზე გამყიდველი ნასყიდობის საგანს აბრუნებს საწყობში. მყიდველი ვალდებულია სწორედ ამ მისამართიდან გაიტანოს შეძენილი ნივთი.
6.4. მყიდველი ვალდებულია კურიერის თანდასწრებით, ხოლო საწყობიდან გატანის შემთხვევაში შესაბამისი ავტორიზებული პირის თანდასწრებით შეამოწმოს მიღებული ნივთები და მხოლოდ ამის შემდეგ მოაწეროს ხელი მიღება-ჩაბარების დოკუმენტს. მიღება-ჩაბარების დოკუმენტზე ხელის მოწერით ადასტურებს ჩამოთვლილი პროდუქციის სრულად და გარეგნულად უნაკლო მდგომარეობაში მიღებას.
6.5. ნასყიდობის საგნის შემთხვევითი დაღუპვის ან დაზიანების რისკი მყიდველზე გადადის ნასყიდობის საგნის მყიდველისათვის მფლობელობაში გადაცემის მომენტიდან.
7. მომსახურების მიღება-ჩაბარების წესი
7.1. ხელშეკრულების იურიდიულ პირებთან გაფორმების შემთხვევაში მომსახურება ან მისი ნაწილი ჩაითვლება მიღებულად მიღება-ჩაბარების აქტის გაფორმების ან/და rs.ge პორტალზე დამკვეთისთვის გადაგზავნილი ანგარიშფაქტურის დადასტურების შემდეგ, წინამდებარე მუხლით დადგენილი წესების შესაბამისად;
7.2. მომსახურების ან მისი ნაწილის მიღების და/ან საბოლოო შემოწმების შედეგად გამოვლენილი დეფექტის, ან ნაკლის აღმოფხვრას საკუთარი ხარჯებით უზრუნველყოფს გამყიდველი;
7.3. მომსახურების მიღება-ჩაბარების აქტზე ხელი უნდა მოაწეროს მყიდველის და გამყიდველის მხრიდან, საამისოდ უფლებამოსილმა პირებმა;
7.4. მყიდველი ვალდებულია ოპერატიულად, წერილობითი სახით, აცნობოს გამყიდველს საბოლოო შემოწმების შედეგები დაწუნებული მომსახურების ნაწილის და წუნდების მიზეზის მითითებით;
7.5. rs.ge. პორტალზე მყიდველის მიერ დადასტურებული ანგარიშფაქტურა ადასტურებს გამყიდველის მიერ წინამდებარე ხელშეკრულებით გათვალისწინებული მომსახურების შესრულების და მყიდველის მხრიდან მისი მიღების-ჩაბარების ფაქტს.
7.6. გამყიდველის მიერ rs.ge. პორტალზე მყიდველისთვის გამოწერილი ანგარიშფაქტურის გამოწერიდან 10 (ათი) კალენდარული დღის შემდეგ, თუ მყიდველის მიერ არ მოხდება გამოწერილი ანგარიშფაქტურის უარყოფა, და იმავდროულად მყიდველი წერილობითი ფორმით არ აცნობებს გამყიდველს დაწუნებული მომსახურებისა და წუნდების მიზეზების შესახებ, მაშინ მომსახურება ჩაითვლება მიღებულად, ხოლო მყიდველს წარმოეშობა მომსახურების ანაზღაურებისა და ანგარიშფაქტურის დადასტურების ვალდებულება.
8. კონფიდენციალურობა
8.1. მყიდველი აღიარებს და თანხმდება, რომ არ გაამჟღავნებს: (ა) ერთ-ერთი მხარის მიერ მეორე მხარის შესახებ მიღებულ, დამუშავებულ, შექმნილი ან/და გაგზავნილ ნებისმიერი ინფორმაციას/დოკუმენტაციას (მათ შორის და არამარტო გამყიდველის ან/და მისი კლიენტების ბიზნეს ან/და საქმიანი ურთიერთობის შესახებ ინფორმაცია; (ბ) ინფორმაციას გამყიდველის ან/და მისი კლიენტების დირექტორების, მენეჯერების ან მომსახურეთა პირადი მონაცემის შესახებ; (გ) ნებისმიერ სხვა ინფორმაციას გამყიდველის კლიენტების ან საქმიან ურთიერთობაში მყოფი პირების შესახებ (რომელიც ყოველგვარი შეზღუდვის გარეშე მოიცავს ინფორმაციას მათი პირადი მონაცემების შესახებ და არამხოლოდ);
8.2. კონფიდენციალური ინფორმაციის გაცემად ითვლება მისი ნებისმიერი ფორმით გაცემა, კერძოდ:
8.2.1. დოკუმენტალური გაცემა: დოკუმენტის დედნის ან მისი ასლის გაცემა, აგრეთვე, კომპიუტერული ფაილის გაცემა დისკეტით, ინტერნეტის ან ელექტრონული ფოსტის მეშვეობით.
8.2.2. ზეპირი ფორმით გაცემა.
8.3. კონფიდენციალურობის დარღვევად ითვლება ინფორმაციის გაცემა, როგორც განზრახ, ასევე, გაუფრთხილებლობით.
8.4. კლიენტს არა აქვს უფლება, დაუშვას ვინმე კონფიდენციალურ ინფორმაციასთან, გასცეს და გაავრცელოს ამგვარი ინფორმაცია ან გამოიყენოს პირადი სარგებლობისათვის ან გამყიდველის საზიანოდ.
8.5. კლიენტი უფლებამოსილია, მიაწოდოს კონფიდენციალური ინფორმაცია მესამე პირს, მხოლოდ გამყიდველის ხელმძღვანელობასა და წარმომადგენლობაზე არსებული პირის წინასწარი თანხმობით.
8.6. კონფიდენციალურობის ვალდებულება არ წყდება ნასყიდობის ძირითადი ხელშეკრულების შეწყვეტასთან ერთად და მოქმედებს უვადოდ.
8.7. კონფიდენციალური ინფორმაციის გაცემის შემთხვევაში კლიენტს ეკისრება პასუხისმგებლობა მოქმედი კანონმდებლობის შესაბამისად.
9. პერსონალური მონაცემები
9.1. მყიდველი აცხადებს თანხმობას, რომ გამყიდველმა ნებისმიერი საშუალებით დაამუშავოს მისი პერსონალური მონაცემები, რაც გულისხმობს ნებისმიერ ქმედებას, მათ შორის მონაცემების მოპოვებას, შენახვას შეცვლას, გამოყენებას და საქართველოს კანონმდებლობით გათვალისწინებულ სხვა ქმედებას, რაც დაკავშირებულია წინამდებარე ხელშეკრულებასთან და მისგან გამომდინარე ნაკისრი მოვალეობების შესრულებასთან.
9.2. გამყიდველი ვალდებულია მონაცემთა დამუშავებისას გაითვალისწინოს საქართველოს კანონმდებლობით, პერსონალურ მონაცემთა დაცვის შესახებ კანონით გათვალისწინებული პრინციპები, მათ შორის მონაცემების კანონიერად, სამართლიანად, მყიდველისთვის გამჭირვალედ დამუშავება, ასევე მონაცემების შეგროვება/მოპოვება კონკრეტული, მკაფიოდ განსაზღვრული და ლეგიტიმური მიზნის მისაღწევად, ამასთანავე მონაცემები მხოლოდ იმ მოცულობით უნდა იქნეს დამუშავებული და იმ ვადით შენახული, რაც აუცილებელია მიზნის მისაღწევად.
9.3. მყიდველი ინფორმირებულია რომ მას ნებისმიერ დროს შეუძლია გამოითხოვოს თანხმობა მისი მონაცემების დამუშავების თაობაზე.
9.4. მყიდველი უფლებამოსილია მოითხოვოს პერსონალური მონაცემების შეცვლა, განახლება, წაშლა, განადგურება. გამოხმობისა და ცვლილებების შეტანის განსახორციელებლად მან წერილობით უნდა შეატყობინოს ამის შესახებ დამსაქმებელს.
9.5. ხელშეკრულების შეწყვეტის შემდეგ მყიდველის პერსონალური ინფორმაცია შეინახება სამოქალაქო კოდექსით გათვალისწინებული ხანდაზმულობის ვადებიდან გამომდინარე.
10. მხარეთა პასუხისმგებლობა
10.1. წინამდებარე სტანდარტული პირობებით და ნასყიდობის ძირითადი ხელშეკრულებით განსაზღვრული პირობების დარღვევის შემთხვევაში მხარეები პასუხს აგებენ საქართველოს კანონმდებლობის შესაბამისად.
10.2. პირგასამტეხლოს უფლებით სარგებლობა/არ სარგებლობა არ ახდენს ზეგავლენას ზიანის მოთხოვნის უფლებაზე. პირგასამტეხლოს დაკისრება არ გამორიცხავს მყიდველის მიერ შესაბამისი ზიანის ანაზღაურების მოთხოვნის უფლებას.
11. კომუნიკაცია მხარეებს შორის
10.1 მხარეების მისამართები და დეტალები, სადაც იგზავნება წერილობითი შეტყობინებები მითითებული უნდა იყოს ძირითად ნასყიდობის ხელშეკრულებაში (ინვოისში).
10.2 მხარის მიერ ან მისი სახელით ხელმოწერილი შეტყობინება ეგზავნება მეორე მხარეს ნასყიდობის ხელშეკრულებაში მითითებულ ან მხარის მიერ მითითებულ ბოლო მისამართზე. მხარისთვის გაგზავნილი ნებისმიერი შეტყობინება შედგენილ უნდა იქნეს ქართულ ენაზე ან თან უნდა ახლდეს ქართულ-ენოვანი თარგმანი.
10.3 მყიდველის მიერ გამყიდველზე გასაგზავნი შეტყობინება უნდა გაიგზავნოს: 1) ფოსტის შემთხვევაში შემდეგ მისამართზე - ქ. თბილისი, ნ. ბოხუას ქ.#4, „მიონის საოფისე ცენტრი“, „ნეოტექი“-ს ოფისო 2) ელექტრონული შეტყობინების შემთხვევაში შემდეგ ელ. ფოსტაზე: info@neotech.ge.
10.4 გამყიდველის მიერ მყიდველზე გასაგზავნი შეტყობინება უნდა გაიგზავნოს: 1) ფოსტის შემთხვევაში - იმ მისამართზე, რომელიც მითითებულია ნასყიდობის ძირითად ხელშეკრულებაში (ინვოისში) ან მყიდველის სამეწარმეო რეესტრის ამონაწერში დაფიქსირებულ იურიდიულ მისამართზე 2) ელექტრონული შეტყობინების შემთხვევაში - 2.1) იმ ელექტრონული ფოსტის მისამართზე, რომელზეც გამყიდველმა გაგზავნა ნასყიდობის ძირითადი ხელშეკრულება და/ან 2.2) მობილური ტელეფონის იმ ნომერზე რეგისტრირებულ მობილურ აპლიკაციაზე (ვოთსაპი, ვაიბერი, ტელეგრამი და ა.შ.) რომელიც მითითებულია ნასყიდობის ძირითად ხელშეკრულებაში ან/და რომელზეც გამყიდველის მიერ მყიდველზე გაიგზავნა ნასყიდობის ძირითად ხელშეკრულება (ინვოისი).
10.5 ამ ხელშეკრულების მიზნებისათვის და ყველა სხვა მიზნისთვის შეტყობინება ჩაბარებულად ითვლება:
10.5.1 პირადად ან კურიერული ფოსტით ჩაბარების შემთხვევაში: როდესაც იგი პირს პირადად გადაეცემა ხელშეკრულების 10.4 პუნქტით მითითებულ მისამართზე ან მხარის მიერ ამ ხელშეკრულების შესაბამისად შეტყობინებისათვის მითითებულ ბოლო მისამართზე;
10.5.4 ტელეფონზე არსებული მობილური აპლიკაციის მეშვეობით, თუ ადრესატის მიერ გაგზავნის ფაქტი დ ნახვის ფაქტი დასტურდება ამ აპლიკაციის მეშვეობით, მსგავსი დადასტურების მომენტიდან.
10.5.2 დასვენების დღეებში ან სამუშაო დღის 17:00 საათის შემდეგ მიღებული შეტყობინებები მიღებულად ჩაითვლება შემდეგ სამუშაო დღეს;
10.5.3 ელექტრონული ფოსტის შემთხვევაში, თუ ადრესატის მიერ გაგზავნის ფაქტი დასტურდება დომენის მხრიდან. თუ რომელიმე მხარემ გააუქმა ან შეცვალა ელექტრონული ფოსტის მისამართი, ეს მხარე ვალდებულია აცნობოს მეორე მხარეს ამის შესახებ. თუ ელ. ფოსტის შეცვლა არ ეცნობება ხელშეკრულების მეორე მხარეს, გაგზავნილი ელექტრონული ფოსტა ჩაითვლება ჩაბარებულად და მასზე გავრცელდება წინამდებარე დოკუმენტში მოცემული პირობები;
10.5.4 ტელეფონზე არსებული მობილური აპლიკაციის მეშვეობით, თუ ადრესატის მიერ გაგზავნის ფაქტი დ ნახვის ფაქტი დასტურდება ამ აპლიკაციის მეშვეობით, მსგავსი დადასტურების მომენტიდან.
12. მოქმედი კანონმდებლობა და დავის გადაწყვეტა
12.1.წინამდებარე სტანდარტული პირობები, ნასყიდობის ძირითადი ხელშეკრულება და მისგან გამომდინარე მხარეთა უფლება-მოვალეობები, აგრეთვე, ხელშეკრულებით გაუთვალისწინებელი ყველა სხვა საკითხი, რეგულირდება საქართველოს მოქმედი კანონმდებლობით.
12.2.მხარეთა შორის წამოჭრილი ყველა სადავო საკითხი გადაწყდება ურთიერთმოლაპარაკების გზით.
12.3.ნებისმიერი დავა, წარმოშობილი წინამდებარე ხელშეკრულებიდან ან მასთან დაკავშირებით, მათ შორის ნებისმიერი საკითხი ხელშეკრულების ანდა საარბიტრაჟო შეთანხმების არსებობის, ნამდვილობასა და შეწყვეტის შესახებ განხილვისა და საბოლოო გადაწყვეტილების მიღების მიზნით უნდა გადაეცეს მუდმივმოქმედ არბიტრაჟს „დავების განმხილველ ცენტრს“ DRC -ის, საარბიტრაჟო განხილვის ადგილია თბილისი რომლის სარეგისტრაციო კოდია 204547348; იურიდიული მისამართი ქ. თბილისი ვაჟა-ფშაველას 71, 2 სართული, ოფისი 11. ვებ-გვერდი: WWW.DRC.GE
11.მხარეები ვთანხმდებით, რომ მხარეებს შორის, ასევე საარბიტრაჟო დაწესებულებას დავების განმხილველი ცენტრს შორის კომუნიკაცია შესაძლებელია განხორციელდეს ელექტრონული ფორმით. ამ შემთხვევაში შეტყობინება განხორციელებულად ჩაითვლება, თუ იგი მხარეს ჩაბარდა ელექტრონული ფოსტის მეშვეობით. მხარეები თანხმობას აცხადებენ, რომ ხელშეკრულებით განსაზღვრულ ელ-ფოსტის მისამართზე ელექტრონული ფოსტის საშუალებით გაგზავნილი შეტყობინება მათთვის ჩაბარებულად ითვლება და აღნიშნულთან დაკავშირებით რაიმე სახის პრეტენზია არ ექნება.13. დასკვნითი დებულებები
13.1. სტანდარტული პირობების მუხლები, პუნქტები და ქვეპუნქტები დანომრილია და დასათაურებულია მხოლოდ მოხერხებულობისათვის და ამ ფაქტს ხელშეკრულების ინტერპრეტაციისათვის მნიშვნელობა არ ენიჭება.
13.2. მოთხოვნის შემთხვევაში მყიდველი ვალდებულია გამყიდველს მიაწოდოს ნებისმიერი დამატებითი ინფორმაცია და, ასევე, წარმოადგინოს შესაბამისი დოკუმენტაცია, რომელსაც გამყიდველი მოითხოვს და საჭიროა წინამდებარე შეთანხმებით ნაკისრი ვალდებულებების შესასრულებლად ან/და განსაზღვრულია საქართველოს კანონმდებლობით.
13.3. ნასყიდობის ძირითადი ხელშეკრულების ან/და სტანდარტული პირობების რომელიმე დებულების ბათილად ცნობის შემთხვევაში, ხელშეკრულების დანარჩენი დებულებები ინარჩუნებს იურიდიულ ძალას. ბათილი დებულების ნაცვლად, გამოიყენება ისეთი დებულება, რომლითაც უფრო ადვილად მიიღწევა ხელშეკრულებით (მათ შორის ბათილი დებულებით) გათვალისწინებული მიზანი.
13.4. მყიდველი გამყიდველთან წერილობითი თანხმობის გარეშე არ არის უფლებამოსილი ამ შეთანხმებიდან გამომდინარე უფლებები და მოთხოვნები გადასცეს ან ვალდებულებები გადააკისროს სხვა პირს.
13.5. სტანდარტულ პირობებსა და ნასყიდობის ძირითად ხელშეკრულების დებულებებს შორის კოლიზიის შემთხვევაში უპირატესობა ენიჭება ნასყიდობის ძირითადი ხელშეკრულების დებულებებს.
13.6. მყიდველი ვალდებულია დაუყოვნებლივ აცნობოს გამყიდველს ნასყიდობის ძირითად ხელშეკრულებაში მითითებული საკონტაქტო და საბანკო დეტალებში ცვლილებების შესახებ.
13.7. მხარეები ადასტურებენ, რომ ძირითადი ნასყიდობის ხელშეკრულების ხელმოწერისას ისინი მოქმედებდნენ გონივრული განსჯის შედეგად, წინასწარ გაეცნენ შეთანხმებას, სრულად ესმით შეთანხმების პირობების შინაარსი და ისინი სათანადოდ იქნა შესწავლილი მხარეთა მიერ.
